【旺角🔥性价比高日式放题】

大瀛喜嘅放题出品不嬲高质，时不时会加入新菜式或者期间限定嘅款式，性价比绝对高！特别系宵夜时段嚟到，人均$300都唔使就可以食到捧住个肚！旺角呢间超就脚，地铁站一出，楼上就系，同朋友嚟聚餐都系一个唔错嘅选择！ ------------------------------------------- ❤️‍🔥◖晚市放题◗ $268 平日晚市8:30入坐，$268就可以食足120分钟，性价比超高！自助区有沙律、小食同甜品可以拎，上齐菜之前可以食住先～ /刺身寿司🍣 刺身种类几多，有甜虾、带子、油甘鱼、三文鱼、吞拿鱼、北寄贝、希灵鱼，仲有花海蜇、原只粒贝、松叶蟹脚、矶煮鲍鱼等！ /烧物🍢 串烧款式唔多，只有牛舌、鳗鱼同羊架，烧物就有烧菠萝、翠玉瓜呢啲，烧得香口，个菠萝同翠玉瓜都好清！另外仲有一啲居酒屋嘅菜式，西京烧比目鱼、蒜蓉帆立贝、芝士黄金酱烧开边虾，值得推介！ /炸物🍘 日式天妇罗有皇帝蟹棒、虎虾同番薯仔，另外仲有吉列蚝、芝麻鸡翼、榴梿炸弹同鸡软骨，必食榴梿炸弹，热辣辣又脆口，包住流心嘅榴梿蓉，正！ /一品料理🍱 之前嚟过一次，觉得佢嘅一品料理款式少咗，有红烧乳鸽、小龙虾、鹅肠、鳝球、一口牛、虾球呢啲小炒类，虽然款式唔算太多，但胜在佢真系炒得有镬气！今次多咗清蒸原只生蚝🦪，连壳原只上，生蚝蒸到半生熟，里面肉汁keep住好juicy！ /锅物🍥 有寿喜烧牛肉锅、牛乳海鲜锅同蟹黄粥，仲有啲酸菜鱼羊腩煲呢啲特别嘅锅物，做得都几出色！ /甜品🍨 多数甜品都系自助区自取，除咗自家制嘅奶冻、布甸之外，仲有任拎嘅雪糕柜，Häagen-Dazs雪糕杯都系任拎，最近多咗榴梿可以食，虽然系急冻嘅，但胜在够浓郁而且够清甜！ /饮品🧃 有咖啡机同多款自取包装饮品，仲有清酒同自家制冷泡茶可以选择 🌟Encore指数：8.6/10 ------------------------------------------- 大瀛喜日本料理 📍旺角九龙旺角弥敦道655号5楼 📍观塘观塘道414号1亚太中心5楼 📍元朗朗日路9号形点 I L2楼2001a号铺 #观塘美食[话题]# #美食[话题]# #旺角美食[话题]# #油尖旺美食[话题]# #元朗美食[话题]# #香港美食[话题]# #美食分享[话题]# #相机食先[话题]# #刺身[话题]# #自助餐[话题]# #放题[话题]# #甜品[话题]#