有質數．有服務．食材新鮮嘅日式晚餐

日本菜食得多，始終Omakase先係我杯茶 呢度環境好舒適，充滿日本風味。 先嚟前菜已經配上魚子醬，相當有誠意。 ✨ 深海池魚．鯛魚．大拖羅 刺身好鮮甜，特別喜歡大拖羅，旁邊仲有沙律菜伴碟。 加埋 ✨純米大吟嚷 實在太正 ✨ 招牌Joe 壽司．北海道海瞻．金目鯛．火炙北海道帶子 壽司都好有質數，海膽好鮮，入口即溶 帶子夠肥美 ✨ 佐賀和牛厚燒 和牛好厚肉，一粒一口，好軟腍 加上蒜片同蔥花一齊食，令味道更香 ✨ 龍蝦湯稻庭烏冬 最鍾意稻庭烏冬煙煙韌韌嘅口感， 龍蝦湯作為湯底，又香又濃郁 ✨ 京都抹茶雪糕 雪糕好幼滑，抺茶味夠濃郁又唔會太甜。 食日本野 抺茶雪糕真係最夾 ✨Cocktail 呢杯酒命名為Fuji San, 味道唔錯喎 朋友未食完呢餐，已經要約定下次再嚟。