銅鑼灣五星級打邊爐盛宴

醉鍋 地址：香港銅鑼灣登龍街18號V Point 27樓 天氣凍咗收工特別肚餓，同老公喺銅鑼灣嚟咗呢間「醉鍋」嘅火鍋。佢位於銅鑼灣最旺嘅地點，V Point呢幢樓好多嘢食，但係呢間火鍋值得一試。我同老公都覺得係crazy多嘢食！ 醉火入鍋 職員會將湯底倒落着咗火嘅鍋裏面，食裏面嘅蝦嘅時候都有陣濃烈嘅酒味。超暖身，好啱漸凍嘅天氣。 頂級安格斯牛小排 一定要試！建議放入滾嘅湯底裏面唔超過30秒。牛味濃郁！ 手打蝦丸 真正鮮蝦肉打成，彈牙鮮甜！ 黑松露蝦蟹餃 建議就咁食唔好點醬汁。用黑松露整成嘅皮包住豬肉同埋蝦肉，好特別！ 三色鮮製生麵 呢個面由黑松露，甘筍同蘆筍製成嘅麵，非常有新鮮感。 蜂巢豆腐 建議放自己鍾意食嘅湯底裏面，佢會吸晒個湯。正！ 黃金炸魚皮 老闆娘話要即刻食，果然係。鹹蛋黃醬鋪咗喺上面，唔會太多就啱啱好夠味，好balance。 竹蔗茅根水 非常清甜，但又唔會太甜，讚！ 羅漢果菊花茶 羅漢果同菊花味啱啱平衡到，打邊爐值得一試。