一頓豐富午餐@Uncle Pizza, Pasta & Grill

餐廳：Uncle Pizza, Pasta & Grill 地點：中環伊利近街 菜式：意大利菜 餐牌：主餐牌除左Pizza，意粉，仲有前菜，沙律，湯，烤煎類，廚師推介，意大利飯同甜品。午市有套餐，主菜6選1，配精選餐湯或者沙律，可追加小食。 精選沙律係沙律雜菜加車厘茄，簡單加上黑醋調味，味道唔錯，清爽開胃。 8安士紐西蘭肉眼扒配燒汁 $178 另加一 紐西蘭肉眼扒好大塊，果然係8安士，整得肉嫩多汁，牛味唔錯，簡單加上一條香草調味，燒汁少少鹹，配牛扒食味道剛好。伴有熱辣辣炸薯條，點燒汁都好夠味。 伴碟蔬菜有烤長豆角，番茄，茄子，翠玉瓜同南瓜，色彩配搭豐富。呢道主菜好飽肚。 肉桂蘋果卷伴雪糕 $78 另加一 呢款甜品係主餐牌。肉桂蘋果卷伴雪糕賣相一流，兩條熱辣辣燶面脆皮肉桂卷包住蘋果肉，好香蘋果味，配熱熔曲奇忌廉雪糕球，食落冷熱交融，絕對係衝擊味蕾。面頭加有切邊新鮮士多啤梨，最後灑上好似落雪既糖霜，好美觀。 今餐食物都唔錯，中上環返工人士可以黎食個午餐再返工。 #Uncle Pizza, Pasta & Grill#中環蘇豪伊利近街25號地舖#中環蘇豪意大利菜#UnclePizzaPastaAndGrill[话题]#